देवरले भाउजु भगाएपछि, दाजुले पनि भगाए बुहारी

काठमाडौं । नाताले भाइ पर्ने (फुपूको छोरा)ले आफ्नी श्रीममति भगाएपछि सप्तरीका एक व्यक्तिले भाईबुहारी भगाएका छन् । यो घटनाले जिल्लामा सनसनी फैलाएको छ । आजको राजधानी दैनिकमा खबर छ–यो घटना हो सप्तरी खड्गपुर गाविस ७ अमैरिया टोलको ।

गाउँमा पटकपटक बसेको पंचायतीबाट समस्या समाधान हुन नसक्दा सोमबार जिल्ला प्रहरी कार्यालयसम्म दुवै पक्षको उजुरी परेपछि यस्तो घटना सार्वजनिक भएको हो । घटना विवरण अनुसार खड्गपुर ७ निवाससी ३५ वर्षीय उमेश राम पाँच वर्ष अघि रोजगारीका लागि मलेसिया गएका थिए । नाताले भाइ पर्ने सप्तरीकै लालापट्टी गाविस ४ चा बस्ने ३० वर्षीय भोलाराम उनीभन्दा दुई वर्ष अघिदेखि मलेसियामा काम गर्दै आएका थिए ।

मलेसियाबाट बेलाबेलामा भोला गाउँ फर्किंदा उमेशले उनैको हातबाट ३० वर्षीय पत्नी तारादेवीलाई रकम पठाउने गरेका थिए । उमेशका अनुसार पाँच वर्षका अवधिमा पटकपटक गरी भोलामार्फत १२ लाख रुपैयाँ पठाएका थिए । रकम पुर्याउन जाँदा आउँदा भोलाको भाउनु तारासँग प्रेम बस्यो । चार सन्तानकी आमा तारा र एक वर्ष अघि मात्र भारतको वीरपुरकी सरितासँग विवाह गरेका भोलाबीच लसपस बढ्दै गएको खबर डढेलोझैं गाउभर फैलियो ।

एक दिन यी दुवैलाई चुकुल लगाईघर भित्र बसेको छिमकीले भेटेपछि कुटपिट गरे । त, दुवैको पछि भेट रोकिएन । तीन सन्तालनसहित तारा भोलासित भागिन् । सन्तानसहित भोलाकी अर्की श्रीमती ल्याएपछि उनकी श्रीमति सरिता पनि आगो भइन् । उनको विरोध र आपत्तिमा कुनै सुनुवाई भएन ।

 गाउलेले घटनाको जानकारी गराएको जेठी छोरीको विचल्ली बनाएको खबर दिएपछि उमेश मलेसियाबाट फर्किए । श्रीमतीलाई फर्काउन उनले निक्कै मेहनत पनि गरे । तर, सफल भएनन् । यद्यपी तीन सन्तानलाई फिर्ता ल्याउन उनी सफल भए । गाउँमा बसाईका क्रममा हाटबजार निस्कँदा उमेश र सरिताबीच हिमचिम बढ्दै पनि गयो ।

पत्नीबाट धोका पाएका उमेश र पतिबाट धोका पाएकी सरिताबीच प्रेम गहिरिंदै गयो र अन्त्यमा दुवैले भागेर विवाह गरे । तर, बदला पूरा भए पनि यी दुई पक्षबीचको विवाद अन्त्य भएन । आर्थिक लेनदेनकै कराण उजुरी प्रहरीसम्म पुग्यो ।

उमेशले आफूले दुःख गरी पठाएको पैसामा ताराले मोजमस्ती गरेको भन्दै पैसा फिर्ताको माग गरेका छन् । तर,उनले उमेशले पठाएको पैसा ऋण तिर्नमै सकिएको दाबी गर्दै आएकी छिन् ।