देशका विभिन्न स्थानमा चट्याङ लागेर ५ जनाको मृत्यु
काठमाडौ, चैत्र १३ । देशका विभिन्न स्थानमा चट्याङ लागेर शुक्रबार ५ जनाको मृत्यु भएको छ ।
सप्तरी सितापुर–८ स्थित बाटोमा हिडिरहेको अवस्थामा चट्याङ लागेर सप्तरी हरिहरपुर३ बस्ने ८२ बर्षीय बिलट चौधरीको शुक्रबार बिहान घटनास्थलमै मृत्यु भएको छ ।
यसैगरी सप्तरी दिघवा५ बस्ने ४० बर्षीय दशरथ खङ्ग शुक्रबार बिहान आफनै बारीमा काम गरिरहेको अवस्थामा चट्याङ लाग्दा घटनास्थलमै मृत्यु भएको छ । यसैगरी सप्तरी सितापुर८ बस्ने ५० बर्षीय रविलाल खङ्ग शुक्रबार बिहान आफनै घरको करेसा बारीमा काम गरिरहेको अवस्थामा चट्याङ्ग लाग्दा घटनास्थलमै मृत्यु भएको छ ।
यसैगरी घर नजिकै खेतमा काम गर्न गएकोमा अवस्थामा शुक्रबार बिहान चट्याङ्ग लागी गम्भीर घाईते भएका मोरङ्ग थलाहा१ बस्ने १६ बर्षीय जितेन माझीलाई उपचारार्थ कोशी अंचल अस्पताल लैजादै गर्दा बाटोमै मृत्यु भएको छ ।
यसैगरी आफ्नै बारीमा काम गरीरहेको अबस्थामा चट्याङ पर्दा बिहिबार मकवानपुर छतिवन९ बस्ने ५२ बर्षीय ईन्द्र बहादुर थिङको घटनास्थलमै मृत्यु भएको छ ।