नायिका शिखा जोशी आफ्नै घरमा मृत अवस्थामा फेला

मुम्बई । भारतीय अभिनेत्री शिखा जोशीले आफै बसेको फ्ल्याटमा आत्महत्या गरेकी छन् । ४० वर्षीय शिखाले सन् २०१२ मा आएको फिल्म ‘बीए पास’ मा छोटो भूमिका निभाएकी थिइन् ।

 प्रहरीका अनुसार यो आत्महत्याको घटना भए पनि अहिलेसम्म कुनै सुसाईड नोट भेटिएको छैनन् । जोशी राजयोग सोसाईटीको एक फ्ल्याटमा एक महिलाका साथमा बस्ने गर्थिन ।

 उनीसँगै बस्ने अर्की महिला आएर ढोका ढक्ढकाउदा नखुलेपछि चाबीले ढोका खोल्दा रगतमा लत्पतिएको अवस्थामा भेटिएकी थिइन् । उनको घाँटिमा धारिलो चक्कुले घोचिएको थियो ।

 उनीसँगै बस्ने महिलाले यस्तो अवस्थामा भेटेपछि तत्काल उनलाई कोकिलाबेन अम्बानी अस्पतालमा लगिए पनि उनलाई चिकित्सकहरुले मृत घोषित गरेका थिए ।

 उनी सन् २०११ मा आफ्नो स्तन प्रत्यारोपण गर्ने डाक्टरमाथि यौन शोषणको आरोप लगाएपछि चर्चा र विवादमा आएकी थिइन् ।

यसअघि पनि एक भारतीय टेलिसिरियल खेल्ने नायिकाले आत्महत्या गरेको घटना सार्वजनिक भएको थियो ।