५० लाख बराबरको त्रिपाल लुकाएको भेटियो

काठमाडौँ, जेठ २ । पीडीतले त्रिपाल नपाइरहेको गुनासो गरिरहँदा भैसेपाटी स्थीत एक गोदाममा एक ट्रक त्रिपाल भेटिएको छ ।

स्थानीयवासीले तारा कथायत भन्ने व्यक्तिले पाँचदिन अघि ल्याएको त्रिपाल कालोबजारी गर्न लुकाएको आरोप लगाएका छन् ।

एक स्थानीय वासीका अनुसार गोदामभित्र करिब ५० लाख बराबरको त्रिपाल लुकाइराखिएको छ, तर हामी छिमेकीले पनि त्रिपाल पाएका छैनौँ ।

महानगरिय प्रहरी परिसर जावलाखेलका प्रवक्ता प्रहरी नायवउपरिक्षक किसानसिंह थापाले त्रिपाल राख्ने कथायत ठूला दुर्लममा राहत बाँड्न जान लागेको बताए ।

तर उनले राहत बाँड्न स्वीकृत लिएको वा नलिएको भन्ने विषयमा छानवीन भइरहेको छ । हामले गोदाम कब्जा लिइसकेका छौँ, सम्पूर्ण प्रमाण भेटेपछिमात्र सम्वन्धितलाई बुझाउँछौँ ।