मोदीले भने– म छिटै जनकपुर, लुम्बिनी र मुक्तिनाथ आउँछु

काठमाडौं । भारतीय प्रधानमन्त्री नरेन्द्र मोदीले छिटै जनकपुर, लुम्बिनी र मुक्तिनाथ आउने प्रतिवद्धता जनाएका छन् ।

 वीर अस्पतालमा रहेको राष्ट्रिय ट्रामा सेन्टर हस्तान्तरण कार्यक्रममा बोल्दै मोदीले जनकपुर, लुम्बिनी र मुक्तिनाथको भ्रमणका लागि अर्को पटक नेपाल आउने बताएका हुन् ।

 ‘जनकपुर, मुक्तिनाथ र लुम्बिनी यो पटक जान पाइँन। त्यहाँका नेपाली दाजुभाइ दिदीबहिनीसँग माफी माग्छु ’, मोदीले भने, ‘तपाईँको मायाको अनुभव गरिरहेको छु । जनकपुर, लुम्बिनी र मुक्तिनाथमा अवसर मिलाएर आउनेछु ।’

 स्थलमार्गबाट नेपाली नागरिकलाई भारत जान र भारतीय नागरिकलाई नेपाल आउन हुने हैरानीको अनुभव गर्न चाहेको बताउँदै मोदीले यो पटक त्यो अवसर पुरा गर्न नपाएकोमा दुखः व्यक्त गरे ।