प्रेममा मस्त जवान हात्तीले गरे एकअर्कालाई चुम्बन

एजेन्सी । यी तस्बिरहरु हेर्दा सायद सबैको मन आनन्दित हुन्छ होला । दुई वयस्क अफ्रिकी हात्तीले आफ्नो सुँडद्वारा एकअर्कालाई अंगालो हालेको तस्बिर क्यामरामा कैद भएको छ । यो त्यतिबेला सम्भव भयो जतिबेला एउटा निकै चर्चित पर्यटकीय स्थलमा लगभग तीसवटा हात्तीले एकअर्कालाई जिस्काउँदै लखेटिरहेका थिए ।

ज्याक नामका फोटोग्राफरका अनुसार उनले धेरैपटक हात्तीहरु एकअर्कामा जिस्कँदै खेलेको देखेका थिए र उनीहरुबिचको मायाले उनलाई निकै अचम्मित बनाएको बताएका छन् । डेली मेलका अनुसार ज्याक र केहि पर्यटकहरुले एकअर्कालाई लखेटिरहेका हात्तीहरु एकाएक दौडिन बन्द गरेको देखे र उनीहरुले आफ्ना सुँडले एकअर्कालाई माया गरेर अँगालो हालेको देख्दा निकै अचम्मित भए ।

अँगालो हाल्दै गर्दा उनीहरु एकपटक त एकअर्कालाई चुम्बन गरिरहेको जस्तो देखिन्थे । ३७ वर्षीय फोटोग्राफर भन्छन्, ‘एक हुल बनेर दौडिरहेका ती हात्तीहरु निकै रमाइरहेको र उत्तेजित जस्ता देखिन्थे । उनीहरुलाई छल्न हामी उनीहरुभन्दा करिब ५० मिटर टाढा बसेका थियौँ । त्यसैक्रममा हामीले करिब ८ वर्षको एउटा हात्तीले अर्को हात्तीलाई लखेटेको देख्यौँ । ’

‘सुरुमा हामीले उनीहरु एकअर्काहरुसँग रिसाएको सोचेका थियौँ तर पछि त्यो माया भएको थाहा पायौँ ।’ उनले भने, ‘मानिसहरुले एकअर्काको हात समाए जस्तै ती हात्तीहरुले आफ्नो सुँढ एकअर्कामा बटारेका थिए ।’ ‘त्यसपछि म मेरो क्यामरामा सचेत भएँ र यो मायालु दृश्यलाई आफ्नो क्यामरामा कैद गर्न सफल भएँ ।’- Photo: http://i.dailymail.co.uk/