विदेशमा रहेको लोग्नेसँग फोनमा झगडा भएपछि ९ वर्षीय छोराको घाँटी थिचेर हत्या, श्रीमानलाई पनि हत्या गर्ने धम्कि

काठमाडौ, फागुन १७ । बिदेशमा रहेका आफना लोग्नेसंग टेलिफोनमा झगडा गरेकी निर्दयी आमाले आफनै ९ वर्षीय छोराको घाँटी थिचेर हत्या गरेकी छन् ।

प्रहरी निरीक्षक हरी बरुवालका अनुसार नवलपरासीको तम्सरीया स्थित बसन्तपुरकी जमुना जिसी (३१ बर्ष) ले छोरा प्रजितको घाँटीमा शललें थिचेर हत्या गरेकी हुन । छोराको हत्यापछि आफूले पंखामा झुण्डिएर आत्महत्या गर्न गरेको प्रयास सफल हुन सकेन् । शल चुडिएर बचेकी हुन ।

शुक्रवार दिउँसो उनले घरमै छोराको हत्या गरेकी हुन । छिमेकमा भएको बिहेमा जान साथीहरु घरमा आएर बोलाउदा नबोलेर उनि छटपटिएको अबस्थामा भेटिएको छिमेकिहरुको भनाई छ । उनको प्रहरी निगरानीमा उपचार भैरहेको छ । श्रीमान प्रकाश भारतिय सेनामा कार्यरत छन ।

उनकी छोरी छन । अनुसन्धानमा खटिएका बरुवालका अनुसार घटना अघि उनले श्रीमानसंगको टेलिफोनमा निकैबेर बोलेको (झगडा गरेको आसंका) भेटिएको छ । प्रहरीसंग उनले श्रीमानलाई पनि हत्या गर्ने धम्कि दिएकी छन् ।