संविधान जारी गर्नका लागि ओलीको पाँच सर्त
'देश र जनताको हितलाई नबिगारिकन माघ ८ मै संविधान गर्न एमाले खोजिरहेको छ,' अध्यक्ष ओलीले सुनसरी दुहवीमा आइतबार पार्टी प्रवेश तथा अन्तरक्रिया कार्यक्रममा भने, 'पार्टीले तय गरेका पाँचवटा सर्त विपरीत संविधान निर्माण गर्दा सहमति गर्न सकिँदैन।' संविधान निर्माणका लागि प्रगति भने नभएको उनले बताए।
'धान दाहिनी गर्दा गोरू घुमाइरहदा थुप्रै किलोमिटर पार गर्नुपर्ने भए पनि नाप्दा जहाँको त्यही घुमिरहेजस्तै संविधान निर्माणमा सहमति पनि फन्को मार्ने काममात्र भएको छ,' उनले भने।
अध्यक्ष ओलीले संविधानसभा असफल बनाउन खोज्ने हो भने असफल पनि हुने भए पनि २००७ सालदेखि पटक-पटक नेपाली जनताले अधिकार प्राप्तिका लागि लडिरहेकाले अब कसैले पनि जनतालाई धोका दिन नहुने बताए।
