मलेसियामा फेरी नेपाली युवतीको दुर्घटनामा ज्यान गयो

गाडी दुर्घटनामा परी मलेसियामा एक नेपाली युवतीको ज्यान गएको छ । कारको ठक्करबाट जोहर राज्य नजिकै रहेको पिराक कारेक्स ईन्डस्ट्रिज कम्पनीमा कार्यरत उदयपुर बसाह–१ मगरडाँडाकी सुमित्रा बिश्वकर्माको ज्यान गएको हो ।

ड्युटी सकेर होस्टल फर्कने क्रममा बाटो काट्न लाग्दा बिपरीत दिशाबाट आईरहेको कारको ठक्करवाट बिश्वकर्माको मंगलबार घट्नास्थलमै ज्यान गएको मलेसियाबाट चिसाङ शेर्पाले जानकारी दिनुभयो । मृतकको शवलाई पोष्टमार्टमको लागि जोहरबारु अस्पतालमा राखिएको छ ।

काठमाडौस्थित क्याराभेन ईम्प्लोईमेण्ट सर्भिस प्रालि मेनपावरबाट गत वर्ष मात्र मलेसिया पुगेकी सुमित्राको शव नेपाल पठाउने पहल भईरहेको चन्द्र पुलामीले बताउनुभयो ।

यसअघि गएको शनिबार पनि मलेसियामा कारको ठक्करबाट घाईते बनेका खोटाङ पौवासेरा–७ का बिकल भनिने बियोग वान्तवा राईको ज्यान गएको थियो ।