मलेसियाको एक खानीमा विस्फोट हुदा तीनको मृत्यु

क्वालालम्पुर । पूर्वी मलेसियामा भएको एक कोइलाखानी दुर्घटनामा तीन विदेशी कामदारको मृत्यु भएको छ । खानी दुर्घटनामा मारिएका ती कामदारको परिचय पनि खुलेको बताइएको छ । सो घटनामा २९ व्यक्ति घाइते भएका स्थानीय समाचारदाताले आइतबार जानकारी दिएका छन् ।

उक्त दुर्घटनामा घाइते भएकामा नौ इन्डोनेसियाली, छ म्यानमारका नागरिक, पाँच चिनियाँ, सात उत्तर कोरियाली र दुई बङ्गलादेशी रहेका प्रहरी स्रोतले जानकारी दिएको छ । चिनियाँ दूतावासका अनुसार सो घटनामा चिनियाँ कामदार घाइतेसमेत भएका छन् । तर घाइते सङ्ख्या भने एकिन गरिएको छैन् ।

स्थानीय समयाअनुसार शनिबार ८ः४५ बजे बिहान सो विस्फोटन भएको जनाइएको छ । विस्फोटन भएको अवस्थामा् इन्डोनेसियाली, म्यानमारका नागरिक, चिनियाँ, उत्तर कोरियाली र बङ्गलादेशी गरी ११९ कामदार त्यहाँ कार्यरत रहेका थिए ।