निजी विद्यालयले १५ दिनमा चर्को रकम फिर्ता गर्ने

काठमाडौं । चालु शैक्षिक शत्रबाट निजी विद्यालयले वृद्वि गरेको शुल्क विद्यार्थीलाइ नै फिर्ता गर्ने निर्णय भएको छ।निजी विद्यालयले चर्को शुल्क लिएको भन्दै आन्दोलनमा उत्रेका विद्यार्थीको माग अनुसार हाललाइ शुल्क वृद्विको निर्णय फिर्ता गर्ने, यसअघि वृद्वि गरेर विद्यार्थीसंग लिइएको शुल्क फिर्ता गर्ने सहमति भएको हो। शिक्षा मन्त्रालय, अभिभावक संघ, विद्यार्थी संगठन, विद्यालय सञ्चालक र शिक्षकका प्रतिनधीबीच आइतबार राती भएको वार्तामा यस्तो सहमति भएको हो। 

वार्तामा दश बुँदे सहमति भएको छ। नयाँ शुल्क वृद्वि गर्न विद्यार्थी र अभिभावक समेत संलग्न प्राविधीक समिती गठन गर्ने, यसअघि वृद्वि गरिए अनुसार विद्यार्थीसंग लिइएको शुल्क १५ दिन भित्रमा फिर्ता गर्ने, प्रचलित निती नियम विपरित विविध शिर्षक राखेर शुल्क लिने विद्यालयको अनुगभन गरेर कारवाही गर्ने लगायतका सहमति भएको छ। काठमाडौं लगायतका जिल्लामा निजी स्कुलले विद्यार्थीको मासिक शुल्कमा भारी वृद्वि गरेपछि विद्यार्थीहरू आन्दोलित भएक हुन्। गत साता काठमाडौंका विद्यालयमा २२ प्रतिशत शुल्क बढेको थियो। विद्यालयको लेखा शाखामा लगाएको ताला आज सोमबार देखिनै खुलेको छ।